Khan lâi khan khì

Tsîng-ē, tī tsit-lê " Lâm-hong siā-khu " tú-hó khì khùann-tio̍h " khan-tsi̍t-tǹg " tsit-lê sû .
Suah hiông-hiông lâi siūnn-khí khah-tsá ê tāi-tsì . Leh tha̍k ko-tiong ê sî-tsūn, pau-koat
gúa pún-lâng kah sing-khu pinn ê pîng-iú tsiânn sî-kiânn tsit-lê " khan " .
Put-kúan sī tsò siánn-mi̍h lóng thiau-kang iōng " khan " lâi kóng, ē-bīn the̍h kúi-ê lē lâi tsò sueh-bîng .

Khan tsi̍t-pû-jiō leh . ( Pàng tsi̍t-pû-jiō leh )
Khan tsi̍t-phàu ah . ( Niau-á-king khai tsa-bóo )
Khan nn̄g-kù ah . ( Kóng nn̄g-kù ah .)
Khan nn̄g-pue ah . ( Lim nn̄g-pue ah . )
.
.
Tíng-tíng .

Khah-tsá gín-á-lâng khah káu-kùai lóng tùe lâng o̍h tsi̍t-kúa ū--ê bô--ê, nā-bô khí khùann-tio̍h hit-lê
bāng-tsām, kiông-beh bē-kì--lit ū tsi̍t-tsām-á ka-tī lóng sī án-ne leh kóng-ūe .
Khó-pí sī tsit-má ê bāng-lōo gí-giân kāng-khúan, bo̍k tsi̍t nih-leh to̍h bô--khì ah .

Sī lah, tshiūnn tsit-khuán khah khue-hâi ê kóng-huat ûn-á put-tsí-á ū tshù-bī.