- 母語
- 漳州話
- 來自
- Amoy
  
|
1#
发表于 2007-9-4 19:57
［做伙來寫閩南語］第一篇：hit个所在
白話字版：
Tng-chhoe-sî, hit ê só·-tsāi khó-pí sī chi̍t ê lo̍k-hn̂g, ū chiok tsōe hó sńg ê mi̍h-kiāⁿ, mā ū chin tsōe hó pêng-iú tī hia. Ē-kì-tit tú-thâu--á góa mā tiāⁿ-tiāⁿ khì hia leh se̍h-chhit-thô, khoàⁿ kong-kéng. Hit-tsūn, ta̍k pái nā khì hia, lóng kám-kak chiâⁿ chhù-bī, chiâⁿ sim-sek, sim-chiâⁿ ke-chiok khoàⁿ-oa̍h--ê.
Bô-gî! Chin-chiàⁿ ū-iáⁿ bô-gî-gō·! Bô-gî-gō· chiah kè bô-lōa kú niā-niā, hit ê só·-tsāi soah pìⁿ án-ni, sím-mi̍h gû-thâu bé-bīn, sam-kàu kiú-liû, kúi kah koài, ū--ê bô--ê...lóng-tsóng ū chiâu-tsn̂g, oân-tsoân pìⁿ-chiâⁿ chi̍t tè pùn-sò-tiûⁿ, chhàu kah bōe-phīⁿ--tit!
Chit-mái nā kóng-khí hit ê só·-tsāi, chin-chiàⁿ sī "lâng khoàⁿ lâng phùi-nōa, kúi khoàⁿ kúi tò-toāⁿ, koe khoàⁿ phah-ko̍k-ke, káu khoàⁿ pûn-káu-lê".
漢字版：
當初時，迄个所在可比是一个樂園，有足儕好耍的物件，嘛有真儕好朋友佇遐。會記得拄頭仔我嘛定定去遐咧踅佚佗，看公景。迄陣，逐擺若去遐，攏感覺誠趣味，誠心適，心情加足快活的。
無疑！真正有影無疑悟！無疑悟則過無偌久耳耳，迄个所在soah變按呢，甚物牛頭馬面，三教九流，鬼佮怪，有的無的……攏總有齊全，完全變成一塊糞掃場，臭kah bōe鼻得。
即擺若講起迄个所在，真正是“儂看儂呸瀾，鬼看鬼倒彈，雞看拍咯咳，狗看歕狗螺”。
|
|
一看就知道，你沒看出來啊
具體要問林兄去了
发表于 2007-9-9 22:40
