13 Goá siat-sú oē kóng lâng kap thiⁿ-sài ê im-gú, nā bô jîn-ài, goá chiū chiâⁿ choè hiáng ê tâng-khì, tân ê lâ-poa̍h.
Jîn-ài
Goá nā oē-hiáu kóng lâng ê gú-giân, sīm-chì thiⁿ-sài ê gú-giân, nā bô jîn-ài, goá chiū chhin-chhiūⁿ lô teh tân, lâ-poa̍h teh hiáng.
2 Goá siat-sú choè sian-ti, bêng-pe̍k lóng-chóng ê ò-biāu kap lóng-chóng ê chai-bat; koh siat-sú ū chiâu-pī ê sìn, kàu-gia̍h lâi î soaⁿ, nā bô jîn-ài, goá chiū boē sǹg choè sī sím-mi̍h.
Goá nā ū thoân-ta̍t Siōng-tè sìn-sit ê un-sù, oē liáu-kái ta̍k khoán ê ò-pì kap ta̍k khoán ê tì-sek; goá nā ū kàu-gia̍h ê sìn-sim thang î-san tó-hái, nā bô jîn-ài, goá chiū bô lō͘-ēng.
3 Goá siat-sú chīn só͘ ū ê lâi chín-chè, koh hiàn goá ê seng-khu hō͘ hé sio, nā bô jîn-ài, chiū goá bô tit-tio̍h lī-ek.
Goá nā the̍h só͘-ū ê châi-sán khì kiù-chè, á-sī hiàn seng-khu hō͘ hé sio, nā bô jîn-ài, tùi goá lóng bô lī-ek.
4 Jîn-ài sī gâu khoan-iông chû-pi; jîn-ài sī bô oàn-tò͘; jîn-ài bô khoa-kháu, bô phín-phóng,
Jîn-ài sī khoan-iông; jîn-ài sī chû-pi; ū jîn-ài chiū boē chit→chi̍t-tò͘, boē khoa-kháu, boē kiau-ngō͘,
5 bô kiâⁿ kiàn-siàu ê sū, bô kiû ka-kī ê lī-ek, bô khoài siū-khì, bô kì-tit lâng ê pháiⁿ;
boē choè kiàn-siàu ê tāi-chì, boē kiû ka-kī ê lī-ek, boē khoài siū-khì, boē khioh-hūn,
6 bô hoaⁿ-hí put-gī, sī kap chin-lí saⁿ-kap hoaⁿ-hí;
boē ài put-gī, chí-ū ài chin-lí.
7 hoān sū jím-siū, hoān sū siong-sìn, hoān sū ǹg-bāng, hoān sū thun-lún.
Jîn-ài oē pau-iông it-chhè, tùi it-chhè ū sìn-sim, tùi it-chhè ū ǹg-bāng, tùi it-chhè ū nāi-sim.
8 Jîn-ài éng-oán boē bô--khì; nā-sī sian-ti ê chit beh hoè-bô, hiah ê im-gú beh soah, chai-bat beh hoè-bô.
Jîn-ài éng-oán chûn-chāi. Thoân-ta̍t Siōng-tè sìn-sit ê un-sù sī chiām-sî; kóng lêng-gú ê un-sù oē bô-khì; tì-sek mā oē bô-khì.
9 In-ūi lán só͘ chai ê bô oân-choân, choè sian-ti iā bô oân-choân;
Lán só͘ bat ê iú-hān; lán thoân-ta̍t Siōng-tè sìn-sit ê un-sù mā iú-hān.
10 oân-choân ê nā kàu, bô oân-choân ê chiū hoè-bô.
M̄-kú hit-ê oân-choân-ê chi̍t-ē lâi, hit-ê iú-hān-ê chiū siau-sit.
11 Goá choè gín-ná ê sî, kóng oē chhin-chhiūⁿ gín-ná, sèng-chêng chhin-chhiūⁿ gín-ná, ì-kiàn chhin-chhiūⁿ gín-ná; í-keng sêng-jîn, chiū hoè-bô gín-ná ê sū.
Goá choh gín-á ê sî, kóng-oē chhin-chhiūⁿ gín-á, ì-kiàn chhin-chhiūⁿ gín-á, siūⁿ-hoat mā chhin-chhiūⁿ gín-á. Taⁿ goá í-keng sêng-jîn, chiū chiong gín-á ê sū lóng pàng-sak.
12 In-ūi lán taⁿ tùi kiàⁿ teh khoàⁿ, bū-bū bô bêng; nā-sī kàu hit sî chiū tng-thâu tùi-bīn. Goá taⁿ só͘ chai bô oân-choân; kàu hit sî chiū chai, chhin-chhiūⁿ goá hō͘ Chú chai chi̍t iūⁿ.
Lán hiān-chāi chhin-chhiūⁿ chiò-kiàⁿ teh khoàⁿ, bū-bū bô-bêng, chiong-lâi oē bīn-tùi-bīn khoàⁿ chheng-chhó. Goá hiān-chāi chí-ū chai chi̍t pō͘-hūn, chiong-lâi oē oân-choân liáu-kái, chhin-chhiūⁿ Siōng-tè oân-choân liáu-kái goá.
13 Hiān-kim só͘ chûn ê, chiū-sī sìn, ǹg-bāng, jîn-ài; chí saⁿ hāng, kî-tiong tē it toā ê sī jîn-ài.
Án-ni, sìn, ǹg-bāng, jîn-ài chit saⁿ-hāng éng-oán chûn-chāi, kî-tiong siōng tiōng-iàu ê sī jîn-ài. |
发表于 2010-6-4 21:44
发表于 2010-6-4 23:21
