新年遘咯,寫蜀個心意

先佇者祝福逐個新年快樂。
版面兮下底寫蜀句話聽喙好聽:我寫我所講, 做咱閩語 ê 莎士比亞。無tɒ,英語亦是因為莎士比亞nɒ雅化,而且英語足儕單詞、詞組亦是莎士比亞發明兮。算看,講興化語兮儂亦有300幾萬,是冰島兮儂眾兮十倍,連冰島語都有對ka e兮語言修正、規劃、規範,比爬起講咱莆田儂、咱興化儂真正是風水尾!
以頂我亦有使者種興化語兮口語寫漢字,寫不不遘半年了因為工作絕久無寫。佇許以前,我亦有蜀字蜀字揣,甚至再之前我亦佮逐個儂蜀毋知講莆田話可以使字蜀字蜀字寫出、我no知講有音譯。偌夥年以前上歷史課兮時節,先生講遘新文化運動,看當時兮儂喊出“我手寫我口”兮口號,我亦見覺是壯舉。但是現時看看、算算,伊輩講兮我手寫我口是按北方兮口語去寫兮,結果南方兮話、除咯廣東話,逐組都大結果tɒ ɒŋ。因此啊,即使北方新文化運動了咯,興化、或者別位兮南方語言,伊輩兮墿hɒʔ長,而且可能亦無者種機會再行墿咯。因此啊,我輩着努力,着趕緊咯。