Hók-chiang gâing miàng gì lài-iù
Hók-chiang ciē gá gâing miâng sê ké̤ṳ liê ging-dáng chieng gūi nièng gì sì-hâiu ciá ô gĭ.
Gâinn gĭ sié-dé bī-gáu cā. Dòng-dièu Ū-ciu Séng-lik 2 nièng, ciong Tiòng-lo̤h gâing Uâng-ang dēng 8 ciáh hing uah chók lì, lêng nguôi siék sioh gâing giéu có̤ ‘Uâng-ang’. Cuòi sê bìng ‘Uâng-ang Hiong’ chṳ̄ gĭ miàng.
Dòng-dièu Hiéng-cung Tieng-bō̤ nguòng nièng, gâing gì miàng cê kuoi có̤ ‘Hók-dòng Gâing’. Huòi sê ing-ôi Uâng-ang Gâing diē-sié ô sioh ciáh Hók-dòng Lī (Hók-dòng Liē) cá diâng ciā miàng.
Iù ciā ī-hâiu, Ngô-dâi Sek-guók gâing miàng bô uâng sang huòi, Kī-tàu giéu ‘Īng-chiong’, mò̤ nioh-òng, guoi lo̤h ‘Hók-dòng’, ī-hâiu bô kuoi lo̤h ‘Hók-chiang’.
Dòng-sì Hók-gióng sê Mìng Uòng gĭ dê-buàng, Mìng Uòng Ièng King Lṳ̀ng-kī nguòng nièng ing-ôi ‘Sang cṳ̀ng Īng-hók liē, Cūi cṳ̀ng Chiang-nguòng liē’ huôi hak gâing-gà sū câi-dê (Gâing diē-sié sang-mah sê téng Īng-hók Liē giàng lì gĭ, ka̤-ò̤ sê téng Chiang-nguòng Lī làu guó lì gĭ.), cêu diâng lo̤h ‘Hók-chiang’ ciā miàng, ék-dik gáu ging-dáng.
Ū-ciu Séng-lik 2 nièng: 武周聖曆二年Hók-dòng Lī (Hók-dòng Liē)
Uâng-ang: 萬安
Hiéng-cung Tieng-bō̤ nguòng nièng: 玄宗天寶元年
Īng-chiong: 永昌
Hók-dòng Gâing: 福唐縣
Hók-dòng Lī (Hók-dòng Liē): 福唐里
Sang cṳ̀ng Īng-hók liē, Cūi cṳ̀ng Chiang-nguòng liē
山從永福里, 水從清源里 |
发表于 2007-7-30 12:38
发表于 2007-8-28 02:20
发表于 2007-8-29 13:30
lâ 
